الرئيسية
أحدث الصور
التسجيل
دخول
من طرف RED_X الخميس مايو 30, 2013 9:20 am أهلا.....ايه الأخبار؟
كله تمام؟
الاجازة عاملة ايه ؟
عارفين....النهاردة –زى اى يوم- قاعد ع الجهاز بلعب ألعاب حرب والشغل ده
افتكرت برنامج كان بيجى على قناة ناشونال جيوغرافيك اسمه السلاح الأفضل
كانوا ف كل حلقة بيجربوا مجموعة أسلحة عشان يحددوا أقوى سلاح
فجأة لقيت سؤال بيدور ف دماغى
ايه هو أقوى سلاح؟
ايه السلاح اللى ممكن يدمر حضارة كاملة؟
ايه السلاح اللى لو البشرية عرفت استخدامه الأمثل تبقى امتلكت أقوى سلاح؟
ايه السلاح اللى ممكن يستخدم عشان يدمر وعشان يبنى ف نفس الوقت؟
.
.
.
فكر كده
.
.
.
همممممممم
.
.
الأسلحة النووية؟؟
ممكن بس ده سلاح بيدمر بس وكمان مش قوى لدرجة تدمير حضارة كاملة
.
.
طب ايه؟
.
.
القنبلة الهيدروجينية؟
نفس حكاية الأسلحة النووية
.
.
ايه؟
AK-74????
روح نام يا بنى
.
.
ها .... لقيته؟....عرفته؟........
طب تحب تحتار أكتر؟
ايه رأيك لو قلتلك انك بتستخدمه كل يوم
خلاص...غلبت؟....مش عارفه؟؟؟؟
أنا أقولك
السلاح ده هو بكل بساطة (الكلمة)
أنا مش هرد ع اللى شتم ولا ع اللى قفل الموضوع ولا ع الحركة اللى انت عملتها يا جبارة
أنا هرد ع اللى قال ("يييييييييه ...هيقعد يتفلسف بقى ويعيد علينا الكلام اللى مبيقدمش ولا يأخر ده")
استنى بس..قبل ما تشتمنى وقبل ما تقفل الموضوع....اقف كده وفكر
اللى انت قريته ده ايه؟؟؟ واللى انت قلته ده ايه؟؟؟ واللى بيدور ف دماغك ايه؟؟ ....مش كل ده كلام
ايه أول شئ بيعمله اللى بيدخل الإسلام؟
صح...بينطق الشهادة....كلمة
ازاى بنتجوز؟؟
صح... بنكتب الكتاب.....برضوا كلام
ازاى الزوج بينفصل عن زوجته؟؟؟؟؟.......بكلمة
ازاى الدول بتتحد أو بتتحارب ضد بعض؟؟
صح....بالاتفاقيات والمعاهدات....برضوا كلام
بكلمة ممكن تجرح..وبكلمة ممكن تفرح
بكلمة ممكن تخلق وجه عبوس......وبكلمة ممكن ترسم ابتسامة
وأكيد انت حافظ أحاديث وآيات من القرآن عن اللسان والكلام أكتر منى فمش محتاج أذكرها
بس استنى ...ده حتى الأحاديث والقرآن كلام مش كده؟
يعنى الحكاية بجد أهى.......الكلام هو أقوى سلاح
هو اللى بيملك القوة انه يدمر حضارة أو انه يبنيها
بس ده احنا اللى بنتكلم .....يعنى احنا اللى معانا القوة....يعنى احنا القوة دى؟
يا ترى لاحظت الحكاية دى قبل كده....انك انت ...بين ايديك دول...عندك قوة رهيبة بالشكل ده
يااااااااااااااه....شعور جميل مش كده ....انك تملك الطاقة الفظيعة دى
بس استنى بقدر ما ده جميل بقدر ما فى شئ ناقص
انت حاسس بكده زيى مش كده؟؟؟ ...... ياترى ايه اللى ناقص؟؟
ايه؟؟ ايه؟؟؟
أه صح .....تمااااام ..... الشئ اللى ناقص هو ان احنا مش مسيطرين ع القوة دى
بنشتم...... بنكدب....بنفتن......بنتكلم عن صحابنا من وراهم...
.بنقول كلام مش متأكدين منه لمجرد اننا سمعناه من ناس بنحترمهم او فى ناس كتير بتقوله
بنقول ألفاظ مش عارفين معناها...بنعبر عن احساسنا غلط.....وغير كده كتيييييييييير
مش ظريف صح؟؟شئ محبط انك تمتلك كل حاجة ومش عارف تسيطر على أى حاجة
بلغة الجايمرز اللعبة الروعة متبقاش روعة لو انت مش عارف ازاى تلعبها
طب هنعمل ايه؟؟؟؟ ......هنفضل كده؟؟؟......هنفضل حاسين بكل القوة دى جوانا ومش عارفين نسيطر عليها
هتفضل على كده؟..عاجبك حالك؟...كل شوية بتزعل حد أو بتجرح حد أو بتسئ لحاجة
هتفضل تشتم؟؟طب بعد كام سنة هتسيب ولادك يشتموا؟؟؟
هتفضل تكدب؟هتسيبهم يكدبوا؟
هتفضل تجيب سيرة الناس ؟ هتسيبهم يعملوا كده؟
لأاااااا...لأوألف لأ......قولها معايا بصوت عالى
من النهاردة.....من دلوقتى...من اللحظة دى
كل كلمة هقولها هبقى واعيها كويس
من النهاردة مفيش شتيمة .......مفيش كدب...مفيش كلام جارح...مفيش ترويج كلام مش متأكد من صحته
من النهاردة.....هستغفر ربنا عن كل كلمة قلتها سببت أذى أو شر
من النهاردة .... هتعلم ازاى أسيطر على انفعالاتى ومقولش كلام يزعل
أيوة غلطنا وأيوة بنغلط وأيوة هنغلط
بس برضوا هنتعلم ...وهنكمل .....وهنستعمل قوتنا صح
ها؟ حاسس بيها؟؟؟؟ حاسس بالقوة بتجرى جواك
يلا..... مستنى ايه؟..... قوم دلوقتى اعتذر لكل شخص زعلته
سيب رسالة شكر لكل شخص بتحبه أو بتقدره
قول كلمة كويسة لكل فرد ف أسرتك
امسح كل كومنت أو بوست انت مش متأكد م المعلومات اللى فيه
عندك النت واسع والدنيا أوسع
عبر وغير ومتخليش حاجة توقفك أو تحبطك أو تخليك تبقى شخص سئ
ودايما افتكر ......انت القوة
كله تمام؟
الاجازة عاملة ايه ؟
عارفين....النهاردة –زى اى يوم- قاعد ع الجهاز بلعب ألعاب حرب والشغل ده
افتكرت برنامج كان بيجى على قناة ناشونال جيوغرافيك اسمه السلاح الأفضل
كانوا ف كل حلقة بيجربوا مجموعة أسلحة عشان يحددوا أقوى سلاح
فجأة لقيت سؤال بيدور ف دماغى
ايه هو أقوى سلاح؟
ايه السلاح اللى ممكن يدمر حضارة كاملة؟
ايه السلاح اللى لو البشرية عرفت استخدامه الأمثل تبقى امتلكت أقوى سلاح؟
ايه السلاح اللى ممكن يستخدم عشان يدمر وعشان يبنى ف نفس الوقت؟
.
.
.
فكر كده
.
.
.
همممممممم
.
.
الأسلحة النووية؟؟
ممكن بس ده سلاح بيدمر بس وكمان مش قوى لدرجة تدمير حضارة كاملة
.
.
طب ايه؟
.
.
القنبلة الهيدروجينية؟
نفس حكاية الأسلحة النووية
.
.
ايه؟
AK-74????
روح نام يا بنى
.
.
ها .... لقيته؟....عرفته؟........
طب تحب تحتار أكتر؟
ايه رأيك لو قلتلك انك بتستخدمه كل يوم
خلاص...غلبت؟....مش عارفه؟؟؟؟
أنا أقولك
السلاح ده هو بكل بساطة (الكلمة)
أنا مش هرد ع اللى شتم ولا ع اللى قفل الموضوع ولا ع الحركة اللى انت عملتها يا جبارة
أنا هرد ع اللى قال ("يييييييييه ...هيقعد يتفلسف بقى ويعيد علينا الكلام اللى مبيقدمش ولا يأخر ده")
استنى بس..قبل ما تشتمنى وقبل ما تقفل الموضوع....اقف كده وفكر
اللى انت قريته ده ايه؟؟؟ واللى انت قلته ده ايه؟؟؟ واللى بيدور ف دماغك ايه؟؟ ....مش كل ده كلام
ايه أول شئ بيعمله اللى بيدخل الإسلام؟
صح...بينطق الشهادة....كلمة
ازاى بنتجوز؟؟
صح... بنكتب الكتاب.....برضوا كلام
ازاى الزوج بينفصل عن زوجته؟؟؟؟؟.......بكلمة
ازاى الدول بتتحد أو بتتحارب ضد بعض؟؟
صح....بالاتفاقيات والمعاهدات....برضوا كلام
بكلمة ممكن تجرح..وبكلمة ممكن تفرح
بكلمة ممكن تخلق وجه عبوس......وبكلمة ممكن ترسم ابتسامة
وأكيد انت حافظ أحاديث وآيات من القرآن عن اللسان والكلام أكتر منى فمش محتاج أذكرها
بس استنى ...ده حتى الأحاديث والقرآن كلام مش كده؟
يعنى الحكاية بجد أهى.......الكلام هو أقوى سلاح
هو اللى بيملك القوة انه يدمر حضارة أو انه يبنيها
بس ده احنا اللى بنتكلم .....يعنى احنا اللى معانا القوة....يعنى احنا القوة دى؟
يا ترى لاحظت الحكاية دى قبل كده....انك انت ...بين ايديك دول...عندك قوة رهيبة بالشكل ده
يااااااااااااااه....شعور جميل مش كده ....انك تملك الطاقة الفظيعة دى
بس استنى بقدر ما ده جميل بقدر ما فى شئ ناقص
انت حاسس بكده زيى مش كده؟؟؟ ...... ياترى ايه اللى ناقص؟؟
ايه؟؟ ايه؟؟؟
أه صح .....تمااااام ..... الشئ اللى ناقص هو ان احنا مش مسيطرين ع القوة دى
بنشتم...... بنكدب....بنفتن......بنتكلم عن صحابنا من وراهم...
.بنقول كلام مش متأكدين منه لمجرد اننا سمعناه من ناس بنحترمهم او فى ناس كتير بتقوله
بنقول ألفاظ مش عارفين معناها...بنعبر عن احساسنا غلط.....وغير كده كتيييييييييير
مش ظريف صح؟؟شئ محبط انك تمتلك كل حاجة ومش عارف تسيطر على أى حاجة
بلغة الجايمرز اللعبة الروعة متبقاش روعة لو انت مش عارف ازاى تلعبها
طب هنعمل ايه؟؟؟؟ ......هنفضل كده؟؟؟......هنفضل حاسين بكل القوة دى جوانا ومش عارفين نسيطر عليها
هتفضل على كده؟..عاجبك حالك؟...كل شوية بتزعل حد أو بتجرح حد أو بتسئ لحاجة
هتفضل تشتم؟؟طب بعد كام سنة هتسيب ولادك يشتموا؟؟؟
هتفضل تكدب؟هتسيبهم يكدبوا؟
هتفضل تجيب سيرة الناس ؟ هتسيبهم يعملوا كده؟
لأاااااا...لأوألف لأ......قولها معايا بصوت عالى
من النهاردة.....من دلوقتى...من اللحظة دى
كل كلمة هقولها هبقى واعيها كويس
من النهاردة مفيش شتيمة .......مفيش كدب...مفيش كلام جارح...مفيش ترويج كلام مش متأكد من صحته
من النهاردة.....هستغفر ربنا عن كل كلمة قلتها سببت أذى أو شر
من النهاردة .... هتعلم ازاى أسيطر على انفعالاتى ومقولش كلام يزعل
أيوة غلطنا وأيوة بنغلط وأيوة هنغلط
بس برضوا هنتعلم ...وهنكمل .....وهنستعمل قوتنا صح
ها؟ حاسس بيها؟؟؟؟ حاسس بالقوة بتجرى جواك
يلا..... مستنى ايه؟..... قوم دلوقتى اعتذر لكل شخص زعلته
سيب رسالة شكر لكل شخص بتحبه أو بتقدره
قول كلمة كويسة لكل فرد ف أسرتك
امسح كل كومنت أو بوست انت مش متأكد م المعلومات اللى فيه
عندك النت واسع والدنيا أوسع
عبر وغير ومتخليش حاجة توقفك أو تحبطك أو تخليك تبقى شخص سئ
ودايما افتكر ......انت القوة
